tg-me.com/Xonobodpress/29502
Last Update:
Sportning mini futbol bo’yicha “Davlat xavfsizlik xizmati kubogi” uchun saralash bosqich bellashuvlariga start berildi
Bugun shahrimizdagi 16 yoshdan 30 yoshgacha boʻlgan yoshlar oʻrtasida “Besh tashabbus olimpiadasi”ning mini futbol bo’yicha “Davlat xavfsizlik xizmati kubogi” uchun saralash bosqich bellashuvlariga start berildi.
Uyushmagan, kam taʼminlangan va ayni paytda ishsiz yoshlar oʻrtasida jismoniy tarbiya va sportni, shuningdek, aholi oʻrtasida sogʻlom turmush tarzini keng targʻib qilish, yoshlarni jismoniy tarbiya va sport bilan muntazam shugʻullanishiga, xususan, sportning mini-futbol va futbol turlarini yoshlar orasida ommalashtirish, iqtidorli sportchilarni erta aniqlash maqsadida start olgan mazkur bellashuvlarning dastlab, tantanali ochilish marosimi tashkil etildi.
Yuqori saviyada tashkil etilgan ochilish marosimida Xonobod shahar hokimligi, sektor rahbarlari hamda tegishli tashkilot mutasaddilari ishtirok etishib, futbol jamoalariga gʻoliblik sari borishlari uchun omadlar tilashdi.
Shundan soʻng ilk bellashuvlarga start berildi. Taʼkidlash joiz, mazkur Kubogning saralash musobaqasi dastlab, shahrimizdagi 4 ta sektor kesimida 15 ta mahalla yoshlaridan tashkil topgan jamoalar oʻrtasida hududlarga boʻlingan holda oʻzaro kuch sinashishadi. Gʻolib jamoalar sektor, shahar hamda viloyat bosqichlarida ishtirok etishadi.
Ma’lumot uchun, musobaqalarning birinchi bosqichi joriy yilning aprel-may, ikkinchi bosqichi iyun-iyul oylarida hamda uchinchi final bosqichi avgust oyida oʻtkazilishi rejalashtirilgan.
Musobaqalarda 16 yoshdan 30 yoshgacha bo‘lgan o‘g‘il bolalar futbol va mini-futbol, qizlar esa mini-futbol bo‘yicha musobaqalarda ishtirok etishlari mumkin.
https://www.tg-me.com/us/Xonobod shahar hokimligi MATBUOT XIZMATI/com.Xonobodpress
BY Xonobod shahar hokimligi MATBUOT XIZMATI
Warning: Undefined variable $i in /var/www/tg-me/post.php on line 280
Share with your friend now:
tg-me.com/Xonobodpress/29502